Wutrobnje witajće ...
... na stronu Kulowskeho měšćanskeho zarjadnistwa w dwurěčnej Hornej Łužicy!
Kulow, kotryž je prěni raz w lěće 1248 naspomnjeny, wuwiwaše so w swojich wjac hać 750 lět starych stawiznach z małeho słowjanskeho sydlisća k luboznemu małoměstačku, kotrejž je we wjele wobłukach derje wuhotowany.
Ze zromadneho žiwjenja mjezsobneje tolerancy mjez Serbami a Němcami, w měšće a we wokolnych wsach, wuńdu z tutych dwejow kulturow postajace a rjany nałožki.
Naše město ma wjele tradicijow a kulturnych wjerškow, to je jutrowne jěchanje kaž tež póstnicy, chodotypalenje, stajenje meje a mejemjetanje. W mnohich towarstwach a iniciatiwach so tež dźensa mnoho z našich wobydlerjow angažuja. Wosebje wažnje je, zo so na našich wjeskach serbska rěć nawožuje a zo so wosebje na cyrkwinskich swjatych dnjach znowa młode žony serbsku narodnu drastu drasća.
Dźensa bydla w Kulowje wjace hač 6000 wobydlerjo, to su 65% Němcy a 35% Serbja. Gmejnska płonina wupřestrěje so na 62 km², kotraž so na město a 11 wokolnych wjesnych dźělow Nowa Wjes, Brěžki, Kulowc, Sulšecy, Koćina, Salow, Dubrjenk, Mučow a Spale rozdźěli.
Wopytajće naše město a Wy budźeće zawěsće wo jeje powabnosći zahorjene!
Gmejnska płonina
- město Kulow
- Nowa Wjes (zagmejnowanje w lěće 1950)
- Brěžki (zagmejnowanje w lěće 1956)
- Kulowc (zagmejnowanje w lěće 1980)
- Sulšecy (zagmejnowanje w lěće 1994)
- Hózk (zagmejnowanje w lece 1994)
- Rachlow (zagmejnowanja w lece 1994)
- Koćina (zagmejnowanje w lěće 1994)
- Salow (zagmejnowanje w lěće 1994)
- Dubrjenk (zagmejnowanje w lěće 1994)
- Mučow (zagmejnowanje w lěće 1994)
- Spale (zagmejnowanje w lěće 1995)
wobydlerstwo: 6.080 (10.08..2009)
konfesije: 64 % Katolikow, 9% Protestantow
nacionalita: 65% Němcy, 35 % Serbja
přestrjeń: 62,24 km²
rěki: Čorny Halštrow, Čornica, Klóšterska woda, Wudra
wopon:
barby města su módre-běłe
Měsćanski wopon pokaza na złotym pozadku mać Božu w běłym šaće a z módrym płašćom, w lěwej ruce dźerži wona dźěćo Bože a w prawej ruce dźerži ceptar.
Mać Boža steji na slěbornym połměsačku. Róžki měsačka su z třjomi slěbornemi róžemi wobsadźene.
Pěstowarnje:
dźěćacy dom “Jakubetzstift”; Budyska droha 30
nošer: katolska cyrkwja Kulow
CSB-pěstowarnja; A.-Bebelowa droha 21
nošer: Křesćansko-socialny kubłanski skutk Sakska z.t.
CSB-pěstowarnja “Dom palčikow”; Sulšecy 7
nošer: Křesćansko-socialny kubłanski skutk Sakska z.t.
šule: Zakładna šula Krabat Srjedźnja šula Korla-Awgust-Kocor